Ein erfaren guide vil føre deg mellom øyar, holmer og skjer og ta deg med ut i kystlandskapet og på fjellet. På desse turane vil du bli fortalt mykje spanande om Solund sitt lokalsamfunn og historie.

Alle våre overnattingsturar vert for tida berre arrangert på direkte førespurnad, grunna etterdønningane etter covid-19.

Vi har tett samarbeid og pakkar saman turar etter kunden sine ønskjer på overnattingsalternativ. Vi kan nemne overnatting på Solund leiligheitshotell der du også kan spise svært godt på Skafferiet, i rorbuer (som t.d. Steinsund Marinesenter, Solund rorbuferie, m.fl.), og overnattings som er særleg annaleis (som t.d. i det gamle og ærverdige handelsknutepunktet på Gåsvær).

Denne turen er for deg som ynskjer å padle så langt vest du kjem i Noreg! Området Solund-Værlandet/Bulandet består av hundrevis av små og store øyer som ligg ytst mot havet i Sogn og Fjordane. Turen vekslar mellom padling i innaskjers og skjerma område og padling i opne og eksponerte havområde. 

Her ligger perlene på rekke og rad, frå rolege, idylliske sund, til små bygder som klorar seg fast i vill vestlandsnatur og ope hav med rufsete sjø eller flotte solnedgangar. Høgdepunkt er øyrika Indrevær, Gåsvær, Ospa, Værlandet og Bulandet, Utvær, vestlegaste punkt i Noreg, med omvising i fyret, Litle Færøy (der ingen skulle tru nokon kunne bu) og topptur på Alden med fantastisk utsikt!

Omvisning i Fyret på Utvær og retur med postbåten frå Bulandet tilbake til Hardbakke er inkludert i prisen!